New Zealand’s pavilion opens in Venice with Yuki Kihara’s Paradise Camp
April 20, 2022
CNN: Powerful photo by Pacific Indigenous artist reveals truth about 1899 painting
May 2, 2022
O le po anapo (taimi Niu Sila) na tatala aloaia ai le Faaliga Fa’avaomalo lona 59 o Fa’atufugaga a Niu Sila i le La Biennale di Venezia fa’atasi ai ma le tatalaina aloa’ia o le fa’aliga a Yuki Kihara ua fa’aigoaina o le Tolauapiga Fa’aparataiso na fa’atautaia e le tausi mataaga, le tamaitai o Natalie King.
Na saunoa le afioga i le Minisita o Fa’atufugaga, Aganu’u ma le Talafa’asolopito Tu’ufa’asolo, le afioga Carmel Sepuloni,’ “O Yuki Kihara, o se tagata Pasefika, Asia ma o se Fa’afafine tusiata fa’apitoa muamua lea ua fai ma sui o Niu Sila i lenei fa’aliga maoa’e i Venice Biennale ma ua fai lea ma ona sao i le fa’alapotopotoga o Fa’atufugaga a Niu Sila, ma o se matatia e ao ona viia”
Fa’amautuina i Artiglierie, le totonugalemu o Arsenale, ua fa’apipiina ai ata e sefulu lua o le Tolauapiga Fa’aparataiso e fitoitonu i Fa’afafine Samoa oni ata ua valiina fa’apitoa e manatua ai le alii tusiata o Paul Gauguin. Valoia ma lauiloa i le faleaitu sa fa’atinoina i Samoa, ua avea ai Kihara o ia o Gauguin ma lona pulou. O lea fa’aliga na laeiina ai e Kihara ni laei fa’apitoa e suia ma lalaga mai ini mamanu fa’apitoa.
O le ata sa pueina i le motu o Upolu, Samoa sa fa’aaogaina lea e Kihara e tu’u i luma o le ata o laufanua na a’afia i le Tsunami o le tausaga 2009 ma o le isi itu o le ata o Paul Gaugin o se fa’aliga na fa’atautaia e le Falemataaga mai (Fine Art Museum) San Francisco ma Ny Carlsberg, Copenhagen i le tausaga e 2019 ma manatu o le vaega o Fa’afafine e pei ona iai i ata tusi a Gaugin.
O le fa’aliga lenei ua fa’auigaina o le “Vārchive” – o le upu ua fa’aaogaina e Kihara e fa’amatalaina ai le Vā i le feso’ota’iga ma le potu teu ata o ana su’esu’ega.
Na saunoa Kihara; “O la’u Vārchive lea na aofia ai I lo’u su’esu’ega o ata o i mea tau Geology, ata ma mamanu fesootai i le vā o Gauguin ma Samoa. Ua tapenaina o se lagisoifua pe fa’apefea ona avea le Tolauapiga Fa’aparataiso ma mea mautu. E le o se potu teu ata e tu’uina ai ni fa’amaumauga ua lē aogā ae avea o se potu fa’apitoa e teu ai fa’amaumauga mo le taimi nei ma fesiligia ai foi lona taua ma le aogā mo le lumanai.”
Na saunoa foi le afioga i le Minisita Sepuloni; “O le Tolauapiga Fa’aparataiso o le a le fesiligia le iai o le naunauta’iga i le Venice Biennale le tosina mai o le au maimoa i le maualuga o le tulaga i le va’ai a le lalolagi i taumafaiga a Yuki Kihara ma isi tusiata o i totonu o Niu Sila.”
O Yuki Kihara o se tusiata muamua lea o Niu Sila ua auai i le fa’aliga i Biennale Arte, o se tagata Pasefika, Asia ma o se Fa’afafine ua ia taimua i le First Solidarity Network. O se tusiata ua na ta’ita’ia ma fa’alauiloa galuega tusiata i se taimi muamua ua fai ma sui e fa’alauiloa le ituaiga tagata o lo’o iai, o se fa’afafine ma o se taimi muamua foi lea ua auai atu ai i le Biennale Arte.
Caren Rangi, o le Komesina o Niu Sila ua fai ma sui i le Biennale Arte 2022, o ia foi o lo’o avea ma Ta’ita’ifono o le Fono Fa’atonu (Arts Council) New Zealand Toi Aotearoa na ia saunoa, ”O le Fono Fa’atonu, e pei o fa’atufugaga mai isi atunu’u o le lalolagi, ua nofoilo i le tulaga pagatia ua iai nei le tali atu i le Koviti 19. I le tausaga atoa, sa galulue ai Yuki ma lana vaega e fa’aaogaina ai ‘au’aunaga fa’atekonolosi fa’aneionapo e fa’aaogaina ai upega tafailagi. I le Fono Fa’atonu na galulue foi fa’apaaga ma le Digital Arts Network e fa’atu ni ‘au’aunaga fa’atekonolosi fa’aneionapo e mafai ai ona maimoa ma fa’alogologo i saunoaga a Yuki i ana su’esu’ega ma ana taumafaiga e uiga i le manulauti ma tala e uiga i le Tolauapiga Fa’aparataiso.”
I le fa’aaogaina ai o nei tomai ma agava’a i ‘au’aunaga fa’atekonolosi fa’aneionapo, o le a mafai ai e i latou o lo’o auai i lenei fa’aliga fa’apea ma i latou i atunu’u mamao, e aofia ai ma Niu Sila ma le Pasefika, ona maimoa ma a’oa’oina mai ai lenei fa’aliga.
Na toe saunoa Rangi, “ua matou fiafia lava e fa’atuina lenei faigapa’aga mo le uluai taimi ma o le isi itu o se taimi muamua foi lea o Niu Sila i lea fa’aliga.”
O le tusiga faifa’atasi mo lenei Fa’aliga sa lomia e Thames ma Hudson ma teuteuina e Natalie King. Fa’atasi ai ma le sao o isi sui auai mai isi vaega o le lalolagi, e fa’alauiloa atili alafua mo le taumafaiga a Yuki Kihara i le Tolauapiga Fa’aparataiso.
Na fa’alia e Natalie King, “O le fa’avaa o le tusi ua tapenaina e Kihara, o fa’afafine o le lalolagi o le a fa’ailoa ma fa’aaogaina o latou tagata e toe fa’atulaga ma tagai ai agai i pulega fa’akolone.”
O ni tagata lauiloa ua fai so latou sao i lenei tusi e aofia ai se tusiata mai Kiupa, o se tagata a’oa’oina ma fai atatifaga Coco Fusco, tusitala mai Tahiti o Chantal Spitz, o le tusiata ma se tusitala Samoa o Dan Taulapapa McMullin, tagata logologoa o Gauguin, Polofesa Elizabeth Childs, le tagata tausi mata’aga mai Filipino o Patrick Flores, faiata tifaga Maori o Emeritus Professor ma tagata fai ata malie o Ngahuia Te Awekotuku ma le tausi mata’aga o le Tolauapiga Fa’aparataiso o Natalie King.
O le fa’aliga lona 59th Fa’avaomalo a le Art Exhibition – La Biannale di Venezia o le a tatala aloaia i le aso 23 Aperila se’i oo le aso 27 Novema 2022.
O nisi fa’amatalaga
- Tatala aloaia o le Fa’aliga i luga o le Facebook ma le YouTube
- Talanoa i upega tafailagi ma Yuki Kihara ma le tausi mata’aga a le NZ Pavillion i le Facebook ma le YouTube
Mo nisi fa’amatalaga mo le folasaga a Niu Sila i le Biennale Arte 2022, fa’amolemole asiasi i le www.nzatvenice.com po’o le asiasi i le Facebook, Instagram ma le Twitter.
